Friday 10 April 2015

55 Question Book Meme

1. Favourite childhood book?
சிறுவயதில் பாடப்புத்தகம் தவிர்த்து வேறெதுவும் வாசித்ததில்லை. மூன்றாம் வகுப்பில் லட்சுமணன் சார் சொன்ன சாகசக் கதை மட்டும் பசுமையாய் நினைவில் இருக்கின்றது.

2. What are you reading right now?
கண்மணி குணசேகரனின் 'நெடுஞ்சாலை'

3. What books do you have on request at the library?
பணம் கொடுத்து வாங்கிய புத்தம் புதிய புத்தகம் மட்டுமே வாசிக்கப் பிடிக்கின்றது. அதனால் லைப்ரரி, நண்பர்களிடம் வாங்கிக் படிப்பது போன்ற பழக்கங்கள் இல்லை.

4. Bad book habit?
ஒரு புத்தகத்தை வாசிக்க ஆரம்பித்துவிட்டால், ஏதேனும் நல்ல விஷயம் இருந்து விடாதா என்ற நம்பிக்கையில் அது நன்றாக இல்லையென்றாலும் முழுவதும் வாசிக்கும் பழக்கம் இருக்கின்றது. நேர விரயம் என்று தெரிந்தும் கூட இதை மாற்றிக்கொள்ள இயலவில்லை.

5. What do you currently have checked out at the library?
பணம் கொடுத்து வாங்கிய புத்தம் புதிய புத்தகம் மட்டுமே வாசிக்கப் பிடிக்கின்றது. அதனால் லைப்ரரி, நண்பர்களிடம் வாங்கிக் படிப்பது போன்ற பழக்கங்கள் இல்லை.

6. Do you have an e-reader?
ஈ-ரீடர் ஆப்ப்ஸ் வைத்திருக்கிறேன். ஆனால் ஒரு முறை கூட பயன்படுத்தியதில்லை. எங்கு சென்றாலும் கையில் ஒரு புத்தகம் நிச்சயம் இருக்கும். என்றாவது புத்தகம் எடுத்து செல்ல மறப்பேனேயானால் இது பயன்படலாம்.

7. Do you prefer to read one book at a time, or several at once?
ஒரு புத்தகம் தான். இந்த வருடத்திலிருந்து தினம் ஒரு சிறுகதை படிக்கும் வழக்கத்தைக் கொண்டிருப்பதால், இரண்டு புத்தகங்கள்.

8. Have your reading habits changed since starting a blog?
ப்ளாக்கினாலும் மாறியிருக்கின்றது. எழுத்தில் ஏற்படும் முன்னேற்றங்கள் வாசிப்பின் பார்வையையும் நிச்சயம் மாற்றியிருக்கின்றது.

9. Least favourite book you read this year (so far?)
வேல ராமமூர்த்தியின் 'குற்றப்பரம்பரை'. இதை இலக்கியப் படைப்பென்று சொல்வதை என்னால் ஏற்றுக்கொள்ள முடியவில்லை. போலித்தனத்தையும், சுவாரஸ்சியத்திற்காக செய்தவற்றையும் தவிர்த்திருந்தால் இலக்கியப் படைப்பாக வந்திருக்க வாய்ப்பிருந்திருக்கலாம்.

10. Favourite book you’ve read this year?
ஓநாய் குலச்சின்னம் - ஜியாங் ரோங்க்: 'விவசாயம் வந்த பிறகு தான் நாகரிகம் பிறந்தது' என்றொரு கூற்று ஒரு புறம் இருக்க, மறுபுறமோ 'நாடோடியாகத் திரிவதை நிறுத்தி ஒரே இடத்தில் எப்போது மனிதன் வசிக்க ஆரம்பித்தானோ அன்று தான் எல்லா பிரச்சனைகளும் ஆரம்பித்தது' என்றொரு கூற்று. இரண்டாவது கூற்றைப் பற்றி தான் இந்த நாவல் பேசுகிறது. மேய்ச்சல் நிலத்தில் ஓநாயைக் குலச்சின்னமாக கொண்டிருப்பதற்கான காரணங்களெல்லாம் நமது எண்ணங்களை மறுபரிசீலனை செய்யவைக்கின்றன. மேய்ச்சல் நிலத்திற்கு பேருதவி புரியும் ஓநாய்களை, நாகரீக மனிதர்கள் துரத்தியடிக்கும் துயர காவியம் தான் இது. இந்த நாவலுக்காகவே இயக்குனர் வெற்றிமாறன் பிரத்யேகமாக அதிர்வு பதிப்பகம் ஆரம்பித்து வெளியிட்டிருக்கிறார். தற்போது இந்த நாவல் திரைப்படமாகவும் வரவிருப்பதாக செய்தியறிந்தேன்.

காடோடி – நக்கீரன்: ஐந்து வருட உழைப்பு என்று நக்கீரன் முன்னுரையில் குறிப்பிட்டது எவ்வளவு தூரம் உண்மை என்பதை நாம் நாவலை வாசிக்கும் போது உணர்ந்துகொள்ள முடியும். நாவலை நகர்த்த அவர் எடுத்துக்கொண்ட உக்தி பாராட்டுதலுக்குரியது. இது போன்று அல்லாமல் வேறு விதமாக எழுத ஆரம்பித்திருந்தால் குறைந்தது முப்பது சதவிகிதமாவது காடு அல்லாத விஷயத்திற்கு செலவிடவேண்டியிருந்திருக்கும். முழுக்க முழுக்க காடு. நாம் அறியாத பல்வேறு உயிரினங்களின் அறிமுகம். தொல்குடியின் பார்வையில் காடு என கலக்கியிருக்கிறார். கலங்கவைத்திருக்கிறார். இந்த வருடத்தின் சிறந்த நாவல்களில் இதற்கு நிச்சயம் முதன்மையான இடம் உண்டு. 

11. How often do you read out of your comfort zone?
இதுக்கு என்ன சொல்றதுனே தெரியலயே.

12. What is your reading comfort zone?
அப்படி எதுவும் இல்லை.

13. Can you read on the bus?
எங்கெல்லாம் நேரம் கிடைக்கின்றதோ அங்கெல்லாம் வாசிக்கிறேன். பேருந்திலும்.

14. Favourite place to read?
எனது அறையில், மூங்கில் நாற்காலியில் சாய்ந்த படி, ஃபேன் சப்தம் கூட இல்லாமல் வாசிப்பது அலாதியான அனுபவம்.

15. What is your policy on book lending?
ஒரு முறை லதாமகன் சொன்னது, 'வாழ்க்கைல பணம் கடனா வாங்கக் கூடாதது, புத்தகம் கடனா கொடுக்க கூடாதது'. என் புத்தகத்தை என்னைப் போல் யாராலும் கையாள முடியாது என்பதை பெருமையாகவே சொல்லிக்கொள்கிறேன்.

16. Do you ever dog-ear books?
வாய்ப்பே இல்ல.

17. Do you ever write in the margins of your books?
வாய்ப்பே இல்ல. என் புத்தகத்தில் வாசித்ததற்கான அடையாளமே இருக்காது (பிடித்த வரிகளை அடிக்கோடிடுவதைத் தவிர).

18. Not even with text books?
இல்ல இல்ல இல்ல.

19. What is your favourite language to read in?
தமிழ்!

20. What makes you love a book?
புத்தகத்தில் கிடைக்கும் போதை.

21. What will inspire you to recommend a book?
நானாக பரிந்துரை செய்வதை நிறுத்திவிடலாமென்றிருக்கிறேன்.

22. Favourite genre?
குறிப்பிட்டு எதுவும் இல்லை. எளிதான வாசிப்பனுபவம் தராமல் வாசகனின் உழைப்பை நாடும் புத்தகங்கள் அதிகம் பிடிக்கின்றது.

23. Genre you rarely read (but wish you did?)
இந்தக் கேள்விக்கு சிலர் பதிலளித்திருப்பது குழப்பத்தைத் தருகிறது. இந்தக் கேள்வியை நான் இப்படி புரிந்து கொள்கிறேன் - அரிதாக வாசிக்கும் Genre எது (ஆனால் அடிக்கடி வாசிக்க வேண்டுமென நினைப்பது?)?

பின்நவீனத்துவ படைப்புகள்.

24. Favourite biography?
திருடன் மணியன்பிள்ளை - ஜி.ஆர்.இந்துக்கோபன்: புனித நூலைப் போல எல்லோர் வீட்டிலும் இருக்க வேண்டிய முக்கியமான புத்தகம்.

25. Have you ever read a self-help book?
ஆரம்ப கால வாசிப்பில் சிலவற்றை வாசித்திருக்கிறேன். இனி எப்போதும் அதன் பக்கம் போகப்போவதில்லை.

26. Favourite cookbook?
குச் நகி.

27. Most inspirational book you’ve read this year (fiction or non-fiction)?
நாடோடித்தடம் - ராஜசுந்தரராஜன்
திருடன் மணியன்பிள்ளை - ஜி.ஆர்.இந்துக்கோபன்

28. Favourite reading snack?
வேர்க்கடலை.

29. Name a case in which hype ruined your reading experience.
ஹைப் தந்த அனேக புத்தகங்கள் ஏமாற்றத்தையே தந்திருக்கின்றது. ஒரு புத்தகம் வாசிக்கும் முன் அதைப் பற்றி எந்த அறிவும் இல்லாமல் இருப்பது உசிதம். தற்போதெல்லாம் முன்னுரையைக் கூட புத்தகம் வாசித்து முடித்த பின்னே வாசிக்கிறேன்.

30. How often do you agree with critics about a book?
ஏற்றுக்கொள்ளும் படியாக இருந்தால் ஏற்றுக்கொள்ள வேண்டியது தான். நான் பிடித்த முயலுக்கு மூன்று கால்கள் தான் என்று நிற்பதில்லை. ஆனால் புத்தகத்தைப் பற்றி சரியான/ஆழமான விமர்சனம் யாரும் முன் வைக்கிறார்களா என்பது பெரிய கேள்விக்குறி.

31. How do you feel about giving bad/negative reviews?
நிச்சயம் தேவை.

32. If you could read in a foreign language, which language would you choose?
ஃப்ரெஞ்ச். Bonjour :D

33. Most intimidating book you’ve ever read?
அப்படி எதுவும் இல்லை.

34. Most intimidating book you’re too nervous to begin?
அப்படி எதுவும் இல்லை.

35. Favourite poet?
கவிதை வாசிப்பில் அனுபவமேதுமில்லை. அடுத்த வருடம் இந்தக் கேள்விக்கு பதில் சொல்ல முடியும்.

36. How many books do you usually have checked out of the library at any given time?
பணம் கொடுத்து வாங்கிய புத்தம் புதிய புத்தகம் மட்டுமே வாசிக்கப் பிடிக்கின்றது. அதனால் லைப்ரரி, நண்பர்களிடம் வாங்கிக் படிப்பது போன்ற பழக்கங்கள் இல்லை.

37. How often have you returned a book to the library unread?
பணம் கொடுத்து வாங்கிய புத்தம் புதிய புத்தகம் மட்டுமே வாசிக்கப் பிடிக்கின்றது. அதனால் லைப்ரரி, நண்பர்களிடம் வாங்கிக் படிப்பது போன்ற பழக்கங்கள் இல்லை.

38. Favourite fictional character?
நிறைய இருக்கின்றார்கள் யாரைக் குறிப்பிட்டுச் சொல்வதென்று தெரியவில்லை.

39. Favourite fictional villain?
நல்ல கேள்வி. அடுத்த கேள்வி.

40. Books I’m most likely to bring on vacation?
கன்னி - ஜெ.பிரான்சிஸ் கிருபா

41. The longest I’ve gone without reading.
அப்படி இருந்ததில்லை.

42. Name a book that you could/would not finish.
-

43. What distracts you easily when you’re reading?
மொபைலில் இருந்து வரும் பீப் ஒலி.

44. Favourite film adaptation of a novel?
நான் வாசித்த புத்தகங்கள் எதுவும் படங்களாக வந்ததாக நினைவிலில்லை அல்லது அதை நான் பார்த்திருக்கவில்லை.

45. Most disappointing film adaptation?
நான் வாசித்த புத்தகங்கள் எதுவும் படங்களாக வந்ததாக நினைவிலில்லை அல்லது அதை நான் பார்த்திருக்கவில்லை.

46. The most money I’ve ever spent in the bookstore at one time?
புத்தகங்களுக்காக செலவு செய்வதை கணக்கு பார்ப்பதில்லை. கடந்த புத்தகக் கண்காட்சியில் (ஜனவரி 2015) பத்தாயிரத்தை தாண்டிவிட்டது.

47. How often do you skim a book before reading it?
அந்தப் பழக்கம் சுத்தமாக இல்லை.

48. What would cause you to stop reading a book half-way through?
பிடிக்கவில்லை என்ற போதும் முழுவதும் வாசிக்கும் பழக்கம் இருக்கின்றது. இதுவரை எந்தப் புத்தகத்தையும் பாதியில் வைத்ததில்லை.

49. Do you like to keep your books organised?
என்னோடு வா வீடு வரைக்கும், என் புக் ஷெல்ஃபை பார் என்னைப் பிடிக்கும்.

50. Do you prefer to keep books or give them away once you’ve read them?
யாருக்கும் கொடுக்க விருப்பமிருந்ததில்லை.

51. Are there any books you’ve been avoiding?
சுயமுன்னேற்ற புத்தகங்கள்.

52. Name a book that made you angry.
சில புத்தகங்கள் இருக்கின்றது. தனியாகக் கேளுங்கள். சொல்கிறேன்.

53. A book you didn’t expect to like but did?
அப்படி எதுவும் இல்லை.

54. A book that you expected to like but didn’t?
அப்படியும் எதுவும் இல்லை.

55. Favourite guilt-free, pleasure reading?
மீனாக்க்ஷின் பதிலே என் பதிலும் - ஆல் ரீடிங்க் ஃபார் மீ இஸ் கில்ட்-ஃப்ரீ, ப்ளெஷர் ரீடிங்க்!

- .ராஜன்

No comments:

Post a Comment